Bakı yenə
dünya əhəmiyyətli Beynəlxalq Foruma ev sahibliyi etdi. 16 iyun 2022-ci il
tarixdə Azərbaycan Respublikasının Prezidenti İlham Əliyevin iştirakı və Nizami
Gəncəvi Beynəlxalq Mərkəzinin təşkilatçılılğı ilə “ Qlobal dünya nizamına təhdidlər
“ mövzusunda IX Qlobal Bakı Forumu işə başladı. Forumda əllidən artıq ölkədən
olan müxtəlif peşə sahibləri, sabiq və hazırki dövrdə öz ölkələrində aparıcı vəzifələrə
sahib olan 400-ə qədər nümayəndə iştirak edirdi. Forumda əvvəlcə xatirə fotosu
çəkdirildi. Sonra Nizami Gəncəvi Beynəlxalq Mərkəzinin həmsədri İsmail
Serageldin IX Qlobal Bakı Forumunu açaraq Azərbaycan Respublikasının Prezidenti
Cənab İlham Əliyevə söz verdi. Forumda qonaqları salamlayan İlham Əliyev onlara
bu forumda iştiraklarına görə təşəkkürünü bildirdi. Dövlət başçımız bundan əvvəlki
forumu indiki ilə müqayisə edərək ölkələrin nümayəndə heyətlərinin sayının
artdığını qeyd etdi. Cənab Prezident gələcəkdə dünyanı bürüyəcək ərzaq
böhranının qarşısının alınması üçün təsirli tədbirlərin görülməsində hər bir
ölkənin rolunun vacibliyini vurğuladı. Netf-qaz ixrac edən ölkələrin yüksək
qazanc əldə etdiyinə sevinməsini düşünənlər səhv edirlər. İstehsalçı və
istehlakçı arasında sağlam inkişaf mühiti formalaşmalıdır. Beynəlxalq təşkilatlara
gəldikdə isə ATƏT-in Minsk qrupunun fəaliyyətsizliyi 28 ildən artıq bir dövrdə
davam edən keçmiş Ermənistan-Azərbaycan-Dağlıq Qarabağ münaqişəsində heç bir
rola malik olmadığını təsdiqlədi. Azərbaycan Beynəlxalq Qanunlara istinad edərək
və öz Konstitusion hüquqlarından çıxış edərək 44 günlük əks-hücumla öz
torpaqlarını işğaldan azad etdi. Azərbaycan ərazisində yaşayan erməni əsilli vətəndaşlar
ölkə qanunlarına hörmət edərək vətəndaşlığı qəbul edib yaşaya bilər. Lakin Ermənistan
hökuməti hələ də xam xəyallarla yaşayır. Artıq Dağlıq Qarabağ yoxdur və heç bir
statusdan söhbət gedə bilməz. 10 noyabr 2020-ci il razılaşmasına əsasən Azərbaycan
tərəfi erməni əhalinin Laçın vasitəsilə Xankəndi və ətraf ərazilərə gediş-gəlişinə
şərait yaradır. Lakin Azərbaycanın Zəngəzur dəhlizi vasitəsilə Naxçıvana çıxışı
Ermənistan tərəfindən hələ də əngəllənir. Bütün bunlara baxmayaraq Azərbaycan
Beynəlxalq əhəmiyyətə malik olan və Qafqazın inkişafında böyük rol oynayan
kommunikasiyaların işlənməsini Beynəlxalq Qanunlar çərçivəsində həll edəcək. Çıxışının
sonunda dövlət başçısı Azərbaycanda yaxşı dincəlməyi onlara tövsiyə etdi. Çıxış
edən qonaqlar ölkə paytaxtının əhəmiyyətli dərəcədə inkişaf etdiyini qeyd etdi.
İyunun 19-da işğaldan azad edilmiş ərazilərə səfər edən forum iştirakçıları
Füzuli Beynəlxalq hava limanına, oradan da dünyanın mədəniyyət paytaxtı Şuşaya
səfər etdilər. Onlar erməni vandallığının nəticələri və Azərbaycan hökumətinin
quruculuq işlərini gördülər. Azərbaycanın Üçrəngli bayrağının Xankəndində,
Xocalıda, Ağdərədə dalğalanacağı və belə qonaqların oraya səfər edəcəkləri gün
çox da uzaqda deyil. Xatirə HƏSƏNOVA, Xocalı rayonundan məcburi köçkün